Qaraqshylar onyń basynan tapanshamen uryp, búkil otbasyn bir bólmege qamap tastaǵan
Corriere della Sera málimetine súıensek, oqıǵa 20 maýsym kúni keshke ardager fýtbolshynyń Áltavılla-Vıchentınadaǵy úıinde bolǵan, dep habarlaıdy almaty-akshamy.kz.
Fýtbolshy otbasy múshelerimen birge Italıa – Ispanıa (0:1) machyn tamashalap otyrǵan. Osy kezde sýyq qarýlanǵan qaraqshylar úıge basa-kóktep kirip, Badjo men onyń otbasyn bir bólmege qamap qoıǵan. 57 jastaǵy fýtbolshy urylarǵa qarsylyq kórsetýge tyrysyp kórgenimen, basynan tapanshamen soqqy alǵan.
Qylmyskerler úıdiń astań-kesteńin shyǵaryp, qymbat saǵattar, zergerler buıymdar men aqshany alyp ketken. Shyǵynnyń jalpy kólemi ázirge belgisiz.
Badjo esin jıǵan soń esikti buzyp shyǵyp, polısıany shaqyrǵan. Qazir qylmystyq ispen tártip saqshylary aınalysyp jatyr. Fýtbolshynyń otbasy músheleri din aman.
Roberto Badjo 1993 jyly «Altyn dop» ıesi atandy. «Iýventýs» sapynda ol ÝEFA kýbogynda, Italıa chempıonaty men kýbokta top jardy. Italıa quramasymen 1994 jáne 1990 jyldary ótken álem chempıonattarynda kúmis jáne qola medal enshilegen.