2024 jyldyń 26 maýsymynda saǵat 10:00-de Qýandyq Bıshimbaev pen Baqytjan Baıjanovqa qatysty apelásıalyq sot otyrysy onlaın formatta ótedi, dep habarlaıdy almaty-akshamy.kz.
«Qoǵamnyń sot prosesine qyzyǵýshylyǵynyń artqanyn eskere otyryp, apelásıalyq satydaǵy sot otyrystarynyń onlaın-translásıasyn jalǵastyrý týraly sheshim qabyldandy. Sot otyrystary tikeleı efırde ótedi. Bul sot prosesiniń barysy týraly barlyq aqparat Joǵarǵy Sottyń áleýmettik jelilerdegi resmı akkaýnttarynda jedel jarıalanady», - dep habarlady Joǵarǵy sot.
Aıta keterligi, 2024 jylǵy 10 maýsymda Qýandyq Bıshimbaev pen Baqytjan Baıjanovqa qatysty qylmystyq is Astana qalalyq sotyna kelip tústi. Sot otyrysy Astana qalalyq sotynyń ǵımaratynda Astana qalasy, Álıev kóshesi, 6, V blogy mekenjaıynda ótedi.