Senattyń jalpy otyrysynda depýtat Álı Bektaev Ulystyń uly kúnin ulyqtaý qajettigine toqtaldy, dep habarlaıdy Almaty-akshamy.kz.
«Jańa jyldy qarsy alý jyldan-jylǵa kúrdelenip, jaı otbasylyq merekeden aýqymdy materıaldyq sharaǵa aınalyp bara jatqany jasyryn emes. Úlken qalalarda, oblys, aýdan ortalyqtarynda ornatylǵan alyp shyrshalar, muz qalashyqtary, otshashýlar memleket qazynasyna salmaq túsirip, turǵyn úı keshenderinde atylyp jatqan pırotehnıkalar materıaldyq zaqym keltirýde»,- dedi depýtat.
Budan keıin depýtat Naýryz merekesin toılaýda jalpyulttyq konsepsıa qabyldaý kerek degen oıyn bildirdi.
«Qazaqstan úshin bul mereke erekshe mańyzǵa ıe. Halqymyzda «Naýryz – Ulystyń uly kúni, jyl basy, kún men túnniń teńelgen kúni» dep aıtylady. Dál osy kúnderi bitelgen bulaqtardyń kózin ashyp, jerge tal otyrǵyzyp, árkim óz aýlasy men úı-jaıyn tazalaǵan. Egiske shyǵyp egin egip, malmen aınalysatyndar tól alýǵa kirisip Jyl basy qaınaǵan eńbekke ulasqan, - dedi ol.
Aıta keterligi, memleket basshysy Qasym-Jomart Toqaev «Egemen Qazaqstan» gazetine bergen suhbatynda Naýryz meıramyn jańasha toılaý týraly aıtqan bolatyn.