Komısarıattaǵylar onyń medısınalyq anyqtamasyn esepke almaǵan
Qostanaı oblystyq mamandandyrylyǵan aýdanaralyq ákimshilik soty 2022 jylǵy 24 mamyrda Qostanaı oblysynyń qorǵanys isteri departamentine qatysty áskerı qyzmetke jiberý týraly buıryqpen kelispegen N. esimdi azamattyń aryzy boıynsha ákimshilik isti qarady, dep habarlaıdy Almaty-akshamy.kz Azattyq Rýhy-na silteme jasap.
Oblystyq sottyń málimetinshe, áskerı esepte turǵan merzimdi áskerı qyzmetshi 2021 jyldyń jeltoqsan aıynda medısınalyq komısıadan ótý kezinde "Ash ishek túıininiń erozıalyq deformasıasy. Asqynǵan oıyq jara" dıagnozy bar ekenin habarlap, sáıkes medısınalyq anyqtamany usynǵan.
"Komısıa qujatty esepke almaı, "Áskerı qyzmetke jaramdy" degen biraýyzdy sheshim shyǵaryp, jas jigit Ulttyq ulanǵa jiberildi. Sot talqylaýy barysynda jaýap berýshi tarap qostanaılyq azamattyń áskerı mindetti óteý orny boıynsha medısınalyq tekserýdiń nátıjesin kórsetti. Qujatta N. esimdi aryzdanýshynyń áskerı qyzmetti óteýine kedergi keltirmeıtin "Kataraldy antraldi gastrıt" aýrýy bar ekeni kórsetilgen. Sot áskerı-dárigerlik saraptama taǵaıyndady. Saraptama aryzdanýshynyń buǵan deıin málimdegen dıagnozyn rastady, onyń qazirgi ýaqytta aýrýy jazylmaǵany belgili boldy. Sondyqtan jas sarbaz odan ári áskerı qyzmetti óteı almaıdy", - delingen habarlamada.
Daýly qaýly sotpen zańsyz dep tanylyp, onyń kúshi joıyldy.
Sonymen qatar, aryzdanýshynyń densaýlyq jaǵdaıyn eskergen sot óz sheshimin shuǵyl oryndaýǵa shaqyrdy.
Mundaı oqıǵanyń aldaǵy ýaqytta qaıtalanýyna jol bermeý maqsatynda tıisti sharalar qoldaný úshin sot jaýapkerge tirkelgen zań buzýshylyqtar boıynsha jeke uıǵarym shyǵardy.