Áskerı jáne artılerıalyq barlaý bólimsheleri biriktirildi
«İzdeý-2022» arnaıy oqý-jattyǵýy barysynda Ujymdyq qaýipsizdik týraly shart uıymyna múshe elderdiń barlaý organdary men bólimsheleri arnaıy tapsyrmalardy oryndady. Olardyń basym bóligi túngi ýaqytta iske asý ústinde, dep habarlaıdy Almaty-akshamy.kz.
Ujymdyq jedel áreket etý kúshteriniń ásker toptary qarsylasqa úzdiksiz barlaý júrgizip jatyr. Biryńǵaı júıege áýe, radıolokasıalyq, radıotehnıkalyq, arnaıy, áskerı jáne artılerıalyq barlaý bólimsheleri biriktirildi.
Arnaıy maqsattaǵy barlaý toptary, nysanaǵa alý jáne baǵyttaý toptary parashútpen desanttaýdy pysyqtaýda. Olar ushqyshsyz basqarylatyn qurylǵylardy qoldaný arqyly optıkalyq-elektrondyq barlaý júrgizilip jatyr. Mamandar reıd jasaýshy jasaqtardy aınalyp ótken qarsylastyń ornalasqan jerin anyqtap, artılerıa jáne maıdandyq avıasıanyń soqqylarymen joıý úshin olardyń koordınattaryn beredi.
Barlaý quraldarynyń oq atyp, zaqymdaý kezindegi atysy jáne soqqy nátıjeleri de baǵalanady, onyń barysynda artılerıalyq, zymyrandyq jáne avıasıalyq bólimshelerdi jiti barlaý jáne qaıta nysanaǵa alý da iske asyrylý ústinde.
Arnaıy jasaqtar qarsylastyń sheginip bara jatqan tobyna qysqa qashyqtyqta oq jaýdyryp jatyr. Áýe tásilimen barlaýshylardy kóshirý kezinde mergender men armıalyq avıasıa olardy búrkemeleýdi oryndaıdy.
Obektilerge reaktıvti artılerıa men shartty qarsylastyń quramasy shabýyl jasaǵan kezde shabýyldaý bólimsheleri de qarap turmaı, is-qımylǵa kóshýde. Barlaý jasaǵynyń saýyt-saımany saı toby jaýǵa qarsy is-áreket jasap, olardy qolda bar atys quraldarymen joıý ústinde.
«İzdeý-2022» arnaıy oqý-jattyǵýyndaǵy barlaý bólimsheleriniń negizgi mindeti biryńǵaı aqparattyq derekterdi jınaý, taldaý jáne olardyń mejeli jerge jetýin úzdiksiz qamtamasyz etip otyrý bolyp tabylady.