Kórme joǵary oqý oryndarynyń qoldaýymen uıymdastyrylady
2022 jyldyń 7 qazanynda saǵat 15:00-de Qazaqstan Respýblıkasy Memlekettik ortalyq mýzeıinde «Balalar jyly» aıasynda halyqaralyq jas óspirimder arasynda «Óner sıqyry» atty halyqaralyq balalar shyǵarmashylyǵy kórmesiniń ashylýy ótedi, dep habarlaıdy Almaty-akshamy.kz.
Kórmeniń maqsaty – jas urpaqtyń rýhanı-adamgershilik tárbıesine, sabaqtastyǵyna yqpal etetin daryndy balalar, jasóspirimder, óner, qolóner stýdentteri, qolónershilerdiń dástúrleri arasynda halyqaralyq deńgeıde tanymal etý.
Kórmede elimizdiń ártúrli óńirlerinen (Almaty jáne Mańǵystaý oblysy, Almaty, Aqtaý, Atyraý, Shymkent, Petropavl, Pavlodar, Taraz qalalary) iriktelgen 6 jastan 21 jasqa deıingi daryndy balalardyń shyǵarmashylyq jumystary usynylady. Óner týyndylarynyń ishinde talantty balalardyń (aǵash, metal, plasmassa, mata, jún, shı jáne t.b.) jumystarynda beınelengen ártúrli túrler men tehnıkalardy, materıaldardy, taqyryptar men ıdeıalardy kórsetetin keskindeme, grafıka, sándik – qoldanbaly óner buıymdary bar.
Ekspozısıa balalardyń estetıkalyq sezimin, kórkemdik talǵamyn oıatatyn shyǵarmashylyq qıaldyń damý prosesin aıqyn kórsetedi. Shyǵarmashylyq jumystar arqyly ár túrli elderdiń balalary basqa halyqtardyń ómiri men dástúrlerin, olardyń ulttyq jáne mádenı erekshelikterin túsinýdi úırenedi.
Kórme joǵary oqý oryndarynyń qoldaýymen uıymdastyrylady. Kórme aıasynda sándik-qoldanbaly óner boıynsha eki sheberlik-sabaq ótedi. Qazaqtyń ulttyq kıiminiń sán úlgisi kórsetiledi.