KVI-den ekpe alǵan qala turǵyndary kórsetilgen ýaqytta barýlary tıis.
Car city saýda úıinde 12 maýsym kúni saǵat 10.00-de koronavırýsqa qarsy ekpe alǵandar arasynda baǵaly syılyqtar oınatylady, dep habarlady Almaty-akshamy.kz.
Bul joly lotereıa utysyna qatysýshylar úıge arnalǵan turmystyq tehnıka, shaǵyn gadjetter men ydys-aıaq jınaqtaryn alady. Bas júlde – elektrosamokat.
Aıta keterligi, buǵan deıin Car city-de lotereıa utystary ótkizildi, ony uıymdastyrýshylar – kásipkerler, saýda úıin jalǵa alýshylar. Lotereıa utystaryn uıymdastyryp, olar qala turǵyndaryn vaksınaǵa yntalandyrýda.
Eske salsaq, 10 maýsymdaǵy jaǵdaı boıynsha Almatyda 329 671 adam vaksına aldy. Qalada medısınalyq uıymdarda, mektepterde, mádenıet, sport obektilerinde, bazarlar men qalanyń SOSO-da 211 vaksına pýnktteri jumys isteıdi (250-ge deıin ulǵaıtý múmkindigimen). 1 257 adamnan turatyn 304 egý brıgadasy bar.