Ókinishke qaraı, ınternet arqyly aldanyp jatqan azamattar óte kóp.
Koronavırýstyq pandemıaǵa oraı ınternet salasyndaǵy qylmystar ósti, – dep habarlaıdy Almaty-akshamy.kz Polisia.kz saıtyna silteme jasap.
- Onlaın-qyzmetterdiń damýyna oraı, ınternetpen jasalatyn alaıaqtyq eki ese kóbeıdi. Osy qylmystardyń nátıjesinde azamattarǵa 67 mln. teńge shyǵyn keldi. Osyǵan baılanysty, İshki ister mınıstrligi kıberqylmyspen kúres ortalyǵynyń jumysyn kúsheıtti. Tek osy qylmystardy ashatyn arnaıy toptar quryldy. Jaýapkershilikke 450 adam tartyldy.
Basqa memlekettermen qarym-qatynas jasap, alaıaqtarmen kúresý úshin tyǵyz jumys istep jatyrmyz. Óıtkeni shetelde júrip, azamattardy aldaıtyndar kóbeıdi. Osy jyldyń ózinde Reseı, Belarýs, Ýkraına elderinen Qazaqstan azamattaryn aldaǵan úsh myńǵa jýyq fakt tirkeldi.
Ókinishke qaraı, ınternet arqyly aldanyp jatqan azamattar óte kóp. Kúndelikti telearna men gazetterde, áleýmettik jelilerde saqtyq sharalary týraly materıaldar berilýde. Onlaın-saýda jasaý kezinde azamattar abaı bolýy qajet ekenin eskertemiz. Qazir Ulttyq bankpen jáne ekinshi deńgeıli banktermen tyǵyz qarym-qatynas ornatyp, azamattardyń jeke múlkin qorǵaý úshin qadamdar jasalýda, - dedi İshki ister mınıstri.