Endi qazaqstandyqtar EGov.kz portaly men eGov Mobile mobıldik qosymshasy arqyly sanatorıı-kýrorttyq emdeý qajettiligi týraly qorytyndyny jáne aldyn ala mindetti medısınalyq tekserýden ótý úshin anyqtama alýǵa ótinim bere alady, dep habarlaıdy Almaty-akshamy.kz QazAqparatqa silteme jasap.
«Azamattar «Sanatorıı-kýrorttyq emdeý qajettiligi týraly qorytyndy berý» qyzmetiniń arqasynda sanatorıı-kýrorttyq emdelýge qorytyndy alý úshin elektrondyq ótinim bere alady. Ótinish bergen kezde jiberilgen dıagnozǵa sáıkes klınıkalyq-dıagnostıkalyq zertteýler nátıjeleriniń elektrondyq kóshimesi bolýy qajet», - delingen portaldyń resmı saıtynda jarıalanǵan habarlamada.
Al, aldyn ala mindetti medısınalyq tekserýden ótý qyzmetin myna sanattaǵy azamattar ala alady:
- dárihanalardyń, farmasevtıkalyq uıymdardyń qyzmetkerleri;
- qyzmet kórsetý salasynyń qyzmetkerleri (monsha, saýna, shashtaraz, sulýlyq salondary, kir jýatyn oryndar, hımıalyq tazalaýshylar), baseınder men gıdropatıalar, balshyq vanalar, sporttyq-saýyqtyrý uıymdarynyń jumysshylary;
- qan qyzmeti uıymdarynyń medısına mamandary, hırýrgıalyq, gınekologıalyq, akýsherlik, gematologıalyq, stomatologıalyq profılder men medısına qyzmetkerleri;
- mektepke deıingi uıymdardyń, mektep-ınternattardyń, balalar sanatorıalyq-kýrorttyq jyl boıǵy saýyqtyrý uıymdarynyń, balalar úıleriniń qyzmetkerleri, otbasy úlgisindegi úılerdiń qyzmetkerleri;
- jolaýshylarǵa qyzmet kórsetý uıymdarynyń qyzmetkerleri (temir jol vokzaldary, aerovokzaldar, áýejaılar, teńiz jáne ózen stansıalary, avtovokzaldar, metropolıtender);
- qoǵamdyq tamaqtandyrý obektileriniń qyzmetkerleri;
- jalpy bilim beretin mektep, orta arnaýly jáne joǵary oqý oryndaryna oqýǵa túsýge úmitkerler, stýdentter.
«Bul qyzmetti alatyn azamattarǵa №075-ý nysanynda berilgen medısınalyq anyqtama (dárigerdiń konsýltatıvtik qorytyndysy) ne memlekettik qyzmetti kórsetýden bas tartý týraly dáledi jaýap nysanynda elektrondyq qujat «Jeke kabınetke» joldanady». Ótinimdi óńdeý týraly habarlama eGov.kz portalynyń «Jeke kabınetinde» 30 mınýt ishinde shyǵady», - dep jazylǵan EGov.kz portylynyń habarlamasynda.