Bul týraly Reseı federaldyq keden qyzmeti jarıalady.
Sebebi sanksıalardyń saldarynan Reseıge kóp sheteldik brendterdi jetkizý múmkin bolmaı qalǵan. Sondyqtan jergilikti turǵyndar olardy kólik shyǵarýshylardyń ruqsatynsyz kóleńkeli jolmen tasymaldaýǵa kóshken, dep habarlaıdy Almaty-akshamy.kz 24.kz-ke silteme jasap.
Tipti reseılikterge logıstıkanyń kúrdeliligi men zańǵa qaıshy júıeler de kedergi emes.
«Qazir quny 25 myń dollar turatyn japon kóligi Qazaqstanda zańdyq tulǵaǵa kedennen 11-12 myń dollarǵa rásimdeledi. Mysaly, Birikken Arab ámirlikterinen Kedendik Odaqqa kirgizýge tyıym salynǵan Eýro-0 sanatyndaǵy kólikter Qazaqstanǵa ákelinip, synaq zerthanalarynda Eýro-5-6 sanatyndaǵy kólikter degen qujattar alady», - deıdi Ulttyq kólik odaǵynyń vıse-prezıdenti Anton Shaparın.
Biraq mundaı kólikterdi Reseı aýmaǵyna kirgizý zańdy turǵydan qıyndyqtar týǵyzýy múmkin. Qazir bul elde keden salyqtaryn qaıta esepteý mehanızmi qarastyrylyp jatyr.