Qutqarý sheńberi Qazaqstan-Qytaı memlekettik shekarasy men irgeles aýmaqtar boıymen belgilenedi.
QR Senatynyń jalpy otyrysynda palata depýtattary QR «QR Úkimeti men Qytaı Halyq Respýblıkasynyń Úkimeti arasynda azamattyq áýe kemelerin avıasıalyq izdestirý jáne qutqarý salasyndaǵy yntymaqtastyq týraly kelisimdi ratıfıkasıalaý týraly» zańyn maquldady, dep habarlaıdy Almaty-akshamy.kz.
Senattyń Ekonomıkalyq saıasat, ınovasıalyq damý jáne kásipkerlik komıtetiniń múshesi Súıindik Aldashev kelisimniń basty maqsaty – halyqaralyq azamattyq avıasıa uıymynyń standarttary men usynylatyn tájirıbesine sáıkes, apatqa ushyraǵan jolaýshylardy, ekıpajdardy, ushaqtardy izdeý jáne qutqarý boıynsha memleketter arasynda tyǵyz yntymaqtastyqty qurý.
«Qutqarýdy uıymdastyrý jáne júzege asyrý naqty is-qımyldardyń naqty algorıtmin qarastyrady. Bul qutqarý shekarasy Qazaqstan-Qytaı memlekettik shekarasy jáne oǵan irgeles jatqan aýmaqtar arasyndaǵy shekara boıymen belgilenedi. Budan ári barlyq izdeý-qutqarý jumystary respýblıka aýmaǵynda, Qazaqstan men Qytaı, sonymen birge irgeles jatqan aımaqtarda ár memlekettiń zańnamasyna sáıkes júzege asyrylady», - dedi Súıindik Aldashev.
Ár tarap óz aımaǵynda azamattyq áýe kemelerin izdestirý-qutqarý jónindegi jaýapty qyzmet bolýyn jáne olardyń táýlik boıy kezekshiligin qamtamasyz etetinin qosa ketti.
«Taǵy bir kelisimde taraptardyń avıasıalyq oqıǵa týraly ózara habardar etý jáne ekinshi taraptan kómek suraý mindettemesi qarastyrylǵan. Taraptar ózderiniń jaýapkershilik aımaǵynda izdestirý-qutqarý júrgizýden týyndaıtyn shyǵyndardy derbes kóteredi», - dedi Súıindik Aldashev.
Onyń aıtýynsha, kelisim eki memlekettiń quzyrly organdary men izdeý-qutqarý qyzmetteri arasyndaǵy yntymaqtastyqty nyǵaıtýdy kózdeıdi.
Mundaı yntymaqtastyq birlesken izdestirý-qutqarý jattyǵýlaryn, memleketaralyq baılanys arnalaryn turaqty tekserýdi, izdestirý-qutqarý mamandarynyń ózara saparlaryn, izdestirý-qutqarý aqparatymen jáne tájirıbe almasýdy qamtıdy.
30 qarashada Májilis Qazaqstan men Qytaı úkimetteri arasyndaǵy azamattyq áýe kemelerin avıasıalyq izdestirý jáne qutqarý salasyndaǵy yntymaqtastyq týraly kelisimdi ratıfıkasıalaýdy maquldady.