Joldyń jabylýyna sebep – aýa raıynyń qolaısyzdyǵy.
Qarly boran saldarynan úsh oblysta jol ýchaskeleri jabyldy dep habarlaıdy Almaty-akshamy.kz QazAvtoJol baspasóz qyzmetine silteme jasap.
Astanadan Pavlodar oblysynyń shekarasyna deıin jáne Temirtaýdan Qaraǵandyǵa deıingi joldar jabyldy, dep habarlaıdy Tengrinews.kz tilshisi.
QazAvtoJol baspasóz qyzmetiniń málimetinshe, Astanadan eki oblys arqyly ótetin bir tasjoldyń eki bóligi jabylǵan:
- Astana - Ereımentaý - Shiderti 16-200 shaqyrym, Astanadan Pavlodar oblysynyń shekarasyna deıingi ýchaske;
- Astana - Ereımentaý - Shiderti 200-254 shaqyrym, Aqmola oblysynyń shekarasynan Shiderti aýylyna deıingi ýchaske.
Sonymen qatar, saǵat 13:30-da aýa raıynyń nasharlaýyna, boranǵa, kórinýdiń shektelýine baılanysty Qaraǵandy jáne Pavlodar oblystarynda kóliktiń barlyq túrleri úshin kelesi ýchaskelerde qozǵalysqa shekteý engizildi:
- Qyzylorda - Pavlodar 967-1135 shaqyrym, Molodejnyı aýylynan Pavlodar oblysynyń shekarasyna deıin;
- Ekaterınbýrg - Almaty shaqyrymdary 1446-1457, Temirtaýdan Qaraǵandyǵa deıin;
- Qyzylorda - Pavlodar 1135-1206 shaqyrymdar, Qaraǵandy oblysynyń shekarasynan Shiderti aýylyna deıin.