2011 jyldan keıin qalada birde-bir zırat jabylmaǵan.
Almaty ákimi Erbolat Dosaev Alataý aýdanynyń turǵyndarymen kezdesýinde aqpan aıynyń sońyna deıin qalada 30 zıratty jabý josparlanyp otyrǵanyn aıtty, dep habarlaıdy Almaty-akshamy.kz Egemen.kz-ke silteme jasap.
Almaty ákimi Erbolat Dosaev zırattardy jabý jumystary ótken jyldyń kúzinde bastalǵanyn, kóptegen qorymdar tipti esepke alynbaǵanyn aıtty.
«Biz qazir olardy qabyldap, tolýyna qatysty tehnıkalyq baǵa berýimiz kerek, sodan keıin jabý týraly sheshimdi daıyndaımyz», - dedi ákim.
Onyń aıtýynsha, 2011 jyldan keıin qalada birde-bir zırat jabylmaǵan.
Almaty ákiminiń aıtýynsha, qazir qaladaǵy zırattardy qala menshigine alý úshin onyń ólshemderin zertteý jumystary júrgizilip, eki qaýly jobasy daıyndalyp jatyr, Atalǵan zırattar aqpan aıynyń sońyna deıin jabylady.
Almaty ákiminiń orynbasary Asqar Ámrınniń sózinshe, qalada barlyǵy 70 zırat bar, onyń 30-yn jabý josparda.