Qazir barlyq óńir "jasyl" aımaqta tur.
Densaýlyq saqtaý mınıstrligi sanıtarlyq-epıdemıologıalyq baqylaý komıteti juqpaly aýrýlardy epıdemıologıalyq qadaǵalaý basqarmasynyń basshysy Roza Qojapova koronavırýstan bolǵan ólim-jitim statısıkasy týraly aıtty, dep habarlaıdy Almaty-akshamy.kz
"2022 jyly indetten qaıtys bolǵan adamdar sany – 793, onyń ishinde 643-i koronavırýs, 150-i kovıdtik pnevmonıadan kóz jumdy. Al 2023 jyldyń basynan bastap 10 adam (úsheýi – koronavırýs, jeteýi – kovıdtik pnevmonıa) qaıtys boldy", - dedi Qojapova ortalyq komýnıkasıalar qyzmetinde ótken baspasóz máslıhatynda.
Aıtýynsha, pandemıa bastalǵaly beri respýblıkada 1 mln 400 myńnan astam adam koranavırýs juqtyrdy, 90 myńnan astamy pnevmonıaǵa shaldyqqan.
"Táýligine koronavırýs juqtyrý 120 jaǵdaıǵa deıin, pnevmonıa 20 jaǵdaıǵa deıin tirkelýde. Naýqastardyń 99 paıyzy emdelgen. "Omıkron" shtamy áli aınalymda", - dedi basqarma basshysy.