Fılm aqaýy bar ushaqty jerge aman-esen qondyrǵan qazaqstandyqtar jaıly.
Portýgalıanyń Avıasıalyq oqıǵalardy tergeý departamenti qazaqstandyq ushqyshtardyń avıasıalyq qaqtyǵysqa qatysty tekserý jumysyn aıaqtady. Otandastarymyz álemdik deńgeıdegi Hú Gordon-Berg memorıaldyq syılyǵymen marapattaldy, dep habarlaıdy Almaty-akshamy.kz.
Sondaı-aq National Geographic arnasy «Ushaq apatyn zertteý» baǵdarlamasynyń avtorlary «Baqylaýdaǵy apat» dep atalatyn fılm túsirdi. 40 mınýttyq týyndy apattyń aldyn alǵan ekıpaj komandıri Vácheslav Aýshev, ushqysh Baýyrjan Qarasholaqov pen Sergeı Sokolov týraly. Onda qazaq ushqyshtarynyń kásibıligiligin kórsete otyryp, tehnologıany jetik meńgerý arqyly, ekıpajdy túgel aman alyp qalǵany beınelengen.
Eske salaıyq, osydan 5 jyl buryn Portýgalıada tehnıkalyq jóndeýden ótken ushaq qazaqstanǵa qaıtý úshin kókke kóteriledi. Alaıda áýe kemesiniń elerondary durys ornatylmaǵandyqtan, qalypty jumys isteýi qıyndaıdy. Ushqyshtar shuǵyl áreket etip, áýe kemesin aman-esen jerge qondyrdy.
«Bizge ushaq baǵynbady. Bizdiń maqsatymyz - ushaqty kóbirek bıiktikke shyǵarý boldy. Eger biz kóbirek bıiktikke kóterilsek, aqaýdyń aldyn alýǵa sonsha múmkindik bolar edi. Ushaq tolyq tórt ret aınaldy aspanda. Jerge qulaýǵa 10-15 sekýnd qalǵan shyǵar, ushaq óz salmaǵynan 5 ese aýyr kúsh pen qysym tústi. Ondaı kezde ushaq ekige bólinip ketýi de múmkin edi», - deıdi ushqysh Baýyrjan Qarasholaqov.