Al, bıylǵy qańtar oqıǵasynyń qorytyndysy boıynsha, tek Almatydaǵy lombardtardyń aldyn ala shyǵyny 2,9 mlrd teńgeni qurapty.
Qańtar oqıǵasynyń saldarynan elimizdiń lombardtary qatty zardap shekti, dep habarlaıdy Almaty-akshamy.kz Finprom.kz saıtyna silteme jasap.
Qazaqstan Respýblıkasy Ulttyq bankiniń málimetinshe, 2021 jyldyń úsh toqsanynyń qorytyndysy boıynsha, Qazaqstan Respýblıkasynda 602 lombard tirkelgen.
Saladaǵy menshikti kapıtaldyń jalpy kólemi jartyjyldyqtyń qorytyndysymen salystyrǵanda 36,4%-ǵa nemese 40,2 mlrd teńgege artyp, 150,5 mlrd teńgeni qurady.
2021 jyldyń qańtar-qyrkúıek aılarynda kiristiń jalpy somasy 25,6 mlrd teńgeni qurady (2021 jyldyń qańtar-maýsymynyń qorytyndysymen salystyrǵanda plús 42,6% nemese plús 7,6 mlrd teńge).
Qańtar oqıǵasynyń saldarynan elimizdiń lombardtary qatty zardap shekti. Negizgi shyǵyn Almatynyń úlesine tıdi. Máselen, Almaty ákimdiginiń málimeti boıynsha, 2022 jyldyń 14 qańtaryndaǵy jaǵdaı boıynsha, qala lombardtaryna keltirilgen shyǵyn shamamen 2,9 mlrd teńgeni qurady. Eń kóp zardap shekken Almaly aýdanyndaǵy lombardtar (35 lombard, zalal – 2,6 mlrd. teńge). Áýezov aýdanynda 11 lombard talqandaldy.
Qazaqstan Respýblıkasyndaǵy barlyq 602 lombardtyń 469-y ǵana 2021 jyldyń alǵashqy úsh toqsanynda tabysyn kórsetti. Bólinbegen tabystyń eń tómengi mólsheri 2 myń teńgeni qurady.
Tabys kólemi boıynsha alǵashqy ondyqta M-Lombard (6,1 mlrd teńge) kósh bastap tur, odan keıin MK-Lombard (3,8 mlrd teńge) jáne Astra-Lombard (2,7 mlrd teńge) keledi. 1 mlrd teńgeden astam paıdany «MK-Zoloto Lombard» (1,7 mlrd teńge) jáne Safe Lombard (1,4 mlrd teńge) kompanıalary da aldy.
Sonymen birge 2021 jyldyń qańtar-qyrkúıek aılarynda 102 lombard jabylmaǵan shyǵynyn kórsetti. Eń kóp shyǵyn "Avto aqsha" lombardynda (332,2 mln. teńge), odan keıin Tez Lombard (69,6 mln. teńge) jáne Lombard Three A (24,1 mln. teńge) boldy.
