Dárigerler memorıaly qazaqstandyqtardyń ómirine qaýip tóndiretin vırýsqa tabandylyqpen, birlese, yntymaqtasa otyryp kórsetken qarsylyqtyń, jańa ómirge degen úmittiń, dárigerlerge degen alǵys pen máńgilik esteliktiń sımvolyna aınalýy tıis.
Eskertkish kompozısıasy qoldanystaǵy sáýlet jáne qala qurylysy ortasyna úılesimdi túrde sáıkes kelýi qajet. Jobany jasaǵanda myqty materıaldar (mármár, granıt, qola, t.s.s.) qoldanylýy kerek, dep habarlaıdy Almaty-akshamy.kz
Baıqaýdyń maqsaty – Qazaqstan Respýblıkasynda ornatylatyn eskertkishter men monýmentter jónindegi memlekettik komısıaǵa usynys engizý úshin kórkem-sáýlet jáne músindik kompozısıa jasaý arqyly densaýlyq saqtaý salasynyń qyzmetkerlerine pandemıa jaǵdaıyndaǵy qajyrly eńbekteri úshin ornatylatyn eskerkishtiń eń úzdik tujyrymdamalyq músindik-kórkemdik sheshimin anyqtaý.
Eskertkish Almaty qalasy, Almaly aýdany, Tóle bı kóshesi, 94 mekenjaıynda ornalasqan Asfendıarov atyndaǵy QazUMÝ bas korpýsynyń aldyna ornatylmaq.
1. Baıqaý sharttary
Baıqaýǵa barlyq nıet bildirýshiler, sondaı-aq avtorlyq ujymdar qatysa alady. Baıqaýdy ótkizý merzimi - 2022 jylǵy 31 qańtarynan 16 naýryzǵa deıin. 2022 jyldyń 16 naýryzynan keshiktirmeı jiberilgen jumystar 050000, Almaty qalasy, Dostyq dańǵyly, 56, Almaty qalalyq mádenıet basqarmasy, №4015 kabınet mekenjaıynda qabyldanady.
Basqa qalalardyń avtorlary poshta túbirteginiń nómirin aldyn ala habarlaı otyryp, jobalardy belgilengen merzimnen keshiktirmeı, Almaty qalalyq mádenıet basqarmasynyń mekenjaıyna jiberedi. Baıqaýǵa jobalar alty tańbaly sanmen kórsetilgen urandarmen usynylady. Uran konkýrsqa usynylǵan jobanyń barlyq materıaldarynyń joǵarǵy oń jaq buryshynda, sondaı-aq urandyq konvertte (bıiktigi 1 sm) jazylady. Uranmen jabylǵan konvertte joba avtorynyń tegi, aty jáne meken-jaıy kórsetilgen aqparattyq paraq bolýy kerek.
Eki betten aspaıtyn qysqasha túsindirme jazba 2 danada usynylady. «Timeѕ New Roman» qarpi, ólshemi №14, bir jolaralyq ınterval saqtalýy tıis. Jazbada eskertkishtiń negizgi ıdeıasy, kórkemdik sheshimi jáne keńistikti uıymdastyrý prınsıpteri kórsetilýi kerek.
Baıqaý qorytyndysy boıynsha sheshimdi Almaty qalasynyń tarıh jáne mádenıet eskertkishterin qorǵaý jónindegi komısıasy qabyldaıdy.
Baıqaý sharttaryn buza otyryp usynylǵan jobalar konkýrsqa jiberilmeıdi jáne komısıada qaralmaıdy.
2. Baıqaýdyń jobalyq usynystary men usynylatyn materıaldardy rásimdeýge qoıylatyn talaptardyń quramy:
1. Masshtaby 1:10 joba eskızi (músin kompozısıasy);
2. Masshtaby 1:200 bas jobasy (syzba jobasy);
3. Eskertkishtiń (músindik kompozısıanyń) 2 qasbeti jáne 1:20 masshtabty 1 perspektıva;
4. Túsindirme jazba.
Jobalar ólshemi 60h80 sm planshetpen usynylady. Grafıkalyq oryndaý ádisi – makettiń túsi, tehnıkasy jáne materıaly – avtordyń qalaýy boıynsha.
Qosymsha aqparat pen anyqtamany 8 (727) 272-11-09 telefony boıynsha alýǵa bolady.