2021 jyly nekege turǵan qazaqstandyqtardyń sany 2020 jylmen salystyrǵanda 8,9% ósti.
Byltyr resmı túrde 140,3 myń neke tirkeldi, dep habarlaıdy Almaty-akshamy.kz Elorda.info-ǵa silteme jasap.
" Otbasyn qurǵandardyń basym bóligi kelesi qalalarda:
Nur-Sultan – 1 000 adamǵa 10,10;
Almaty – 1 000 adamǵa 9,40;
Atyraý oblysy – 1 000 adamǵa 7,86.
Qıylǵan nekeniń eń az sany Qostanaı oblysynda (1 000 adamǵa 6,24) tirkeldi. Alǵash ret nekege turǵandardyń ortasha jasy erler arasynda 27,9 bolsa, áıelder arasynda – 25,2 jas. Sonymen qatar, buryn ajyrasqan 25 myń er adam jáne 22 myń áıel byltyr qaıtadan nekege turǵan", – delingen habarlamada.
Qazaqstandyqtar úılený úshin shilde, tamyz jáne qyrkúıek sekildi dástúrli aılardan bólek, byltyr naýryzdy da kóp tańdaǵan. Bul aıda 12 myń otbasy tirkeldi. Nekelerdiń 70,9 paıyzdan astamy qala turǵyndary arasynda qıylǵan.