Men – «Qazaq stılimin». Meniń stılim basqasha - Álimhanuly
Qazaqstandyq orta salmaqtaǵy boksshy Jánibek Álimhanuly kóptegen boks áýesqoılary men jýrnalıserdiń ózin osy dıvızıonda óner kórsetetin otandasy Gennadıı Golovkınmen salystyratyndaryna narazy ekenin jetkizdi, dep habarlaıdy Almaty-akshamy.kz QazAqparatqa silteme jasap.
Bylǵary qolǵap sheberi bul týraly Tvıtterdegi jeke paraqshasyna jazdy. Jánibektiń aıtýynsha, Genadıı óz jolymen júrip kele jatyr jáne rıngte óziniń daralyǵyn kórsetkisi keledi.
«Bári meni Qazaqstannyń jańa Golovkıni dep aıtady. Men bárine jańa Golovkın emes ekenimdi aıtqym keledi. Men – Jánibekpin. Men – «Qazaq stılimin». Meniń stılim basqasha. Meniń oqıǵam da erekshe!» - dep jazdy boksshy Twitter-ge.
Eske salaıyq, Jánibek Álimhanuly kelesi aıqasyn 21 mamyrda Las-Vegasta ótkizedi. Ol orta salmaqtaǵy Ulybrıtanıa ókili Dennı Dıgnýmommen bos turǵan WBO álem chempıony tıtýly úshin aıqasady.