16 qańtarda túnde Almaly aýdany Saıran kóliniń mańynda ornalasqan «Jaıly» turǵyn úı kesheniniń aýmaǵynda jylý qubyry jaryldy.
Saldarynan birneshe kóp qabatty úı ýaqytsha jylýsyz qaldy, dep habarlaıdy Almaty-akshamy.kz QazAqparatqa silteme jasap.
Almaty qalalyq komýnaldyq qyzmet ókiliniń aıtýynsha, jarylǵan jylý qubyry turǵyn úı kesheniniń balansynda.
«Tańǵy saǵat 3 pen 4-tiń arasynda ishki ýchaskede jylý qubyry jaryldy. Bizdiń mamandar apat ornyna baryp, ony qalpyna keltirýge kómektesti. Tańǵy saǵat 8-ge qaraı úılerge jylý berildi. Zardap shekkender týraly aqparat túsken joq», - dedi Almaty qalasy Jylý energo kesheni jáne TKSH resmı ókili Ian Gırın.
Onyń aıtýynsha, qubyr 2003 jyly paıdalanýǵa berilgen. Onyń dıametri - 150 santımetr.