Bul týraly qalanyń ekonomıka basqarmasynyń basshysy Dastan Ómirbaev aıtty.
2022 jyly qalada 1,7 mln sharshy metr turǵyn úı paıdalanýǵa berildi, 410 km-den astam ınjenerlik jeliler salyndy jáne qalpyna keltirildi, dep habarlaıdy Almaty-akshamy.kz
2021 jylmen salystyrǵanda sý qubyry komýnıkasıalarynyń tozýy 3,1%-ǵa, káriz jelileriniń tozýy 2,3%-ǵa tómendedi. Mundaı sandardy máslıhattyń VI sesıasynda ekonomıka basqarmasynyń basshysy Dastan Ómirbaev aıtty.
Almaty aglomerasıasyn damytý aıasynda kólik jelisin damytýǵa erekshe kóńil bólinedi. Qala mańymen baılanys ornatý úshin 2022 jyly Abaı dańǵyly qala shekarasyna deıin uzartyldy, Tóle bı kóshesi uzartylýda. Qalada 25 shaqyrym jańa jol salynyp, 200 shaqyrymnan astam jol jóndeldi-biz tek Naýryzbaı jáne Alataý aýdandary týraly aıtyp otyrmyz. Osylaısha, jaqsy jaǵdaıdaǵy avtomobıl joldarynyń úlesi 86%-ǵa deıin ósti.
Jerasty kólik jelisi de damyp keledi: 2022 jyly 2 jańa metro stansıasy – "B.Momyshuly" jáne "Saryarqa" ashyldy. Jolaýshylar aǵyny 78%-ǵa, atap aıtqanda táýligine 58,5 myńǵa deıin ulǵaıdy.