2021 jyly jumyspen qamtýdy qoldaýdyń túrli sharalarymen 26,9 myń múgedektigi bar adam qamtyldy, olardyń 21,1 myńy «Eńbek» memlekettik baǵdarlamasynyń qatysýshylary boldy, al 5,8 myńy jumys oryndarynyń kvotasy boıynsha jumysqa ornalastyryldy, dep habarlaıdy Almaty-akshamy.kz Elorda.info-ǵa silteme jasap.
Eńbek jáne halyqty áleýmettik qorǵaý mınıstrliginiń aqparattyq júıesiniń málimetterine sáıkes, 2021 jyly 104 myń múgedektigi bar adam (24,8%) jumyspen qamtylǵan.
2022 jylǵy 1 qańtardaǵy jaǵdaı boıynsha Qazaqstanda 696,8 myń múgedektigi bar adam nemese halyqtyń jalpy sanynyń 7,5%-y turady, olardyń 419 myńy – eńbekke qabiletti jasta.
«Halyqty jumyspen qamtý týraly» zańǵa sáıkes jergilikti atqarýshy organdar aýyr jumystardy, eńbek jaǵdaılary zıandy, qaýipti jumystardaǵy jumys oryndaryn esepke almaǵanda, jumys isteıtinderdiń jalpy sanynyń (jaldamaly jumyskerlerdiń jalpy sany keminde 50 adam bolǵanda) 2-den 4%-ǵa deıingi mólsherde múgedektigi bar adamdar úshin jumys oryndaryna kvota belgileıdi.
2021 jyldyń qorytyndysy boıynsha kvota sheńberinde barlyǵy 5,8 myń múgedektigi bar adam jumysqa ornalastyryldy. Budan basqa, ótken jyly «Eńbek» memlekettik baǵdarlamasyna 21,1 myń múgedektigi bar adam qatysty. Onyń ishinde turaqty jumys oryndaryna 9,3 myń adam jáne ýaqytsha jumysqa 8,6 myń adam ornalastyryldy.
Qysqamerzimdi kásiptik oqytýmen – 563 adam, «Bastaý bıznes» jobasy boıynsha kásipkerlik negizderine oqytýmen – 1,6 myń adam qamtyldy, onyń ishinde 325-i bıznes jobalaryn qorǵap, granttar, 46-sy mıkrokredıtter aldy.
Sonymen qatar, 460 adam mıkrokredıt, 1,1 myń adam grant aldy.
«Eńbek» memlekettik baǵdarlamasy aıasynda halyqtyń basqa da osal toptarymen qatar múgedektigi bar adamdardyń basym tártippen kórsetiletin qyzmetterdi alýǵa quqyǵy boldy.
2021 jyly «Eńbek» memlekettik baǵdarlamasyn iske asyrý aıaqtaldy, jumyspen qamtýǵa járdemdesý sharalary QR Úkimetiniń qaýlysymen bekitilgen kásipkerlikti damytý jónindegi ulttyq joba sheńberinde jalǵasatyn bolady.
Sondaı-aq, 2018 jyldan bastap halyqaralyq tájirıbeni eskere otyryp, múgedektigi bar adamdardy jumysqa ornalastyrý úshin arnaıy jumys ornyn jaraqtandyrýǵa baılanysty jumys berýshilerdiń shyǵyndaryn sýbsıdıalaý tártibi engizildi. 2021 jyly jalpy somasy 122 mln teńgege 90 arnaıy jumys orny ashyldy.