Qutqarýshylar aýa raıynyń qolaısyzdyǵyna eskertý jasady
Almaty qalasynyń tótenshe jaǵdaılar departamenti taýda abaı bolýǵa shaqyrdy, dep habarlaıdy Almaty-akshamy.kz QazAqparatqa silteme jasap.
«7 aqpan kúni jylymyqtyn áserinen jáne qar jamylǵysynyń turaqsyz bolýyna baılanysty Úlken jáne Kishi Almaty sý alabynda qar kóshkini júrýi múmkin. Qıyn jaǵdaıǵa urynbas úshin taý bókterine shyǵýǵa tyıym salynady. Taýda abaı bolyńyzdar», - dep eskertedi Almaty qalalyq TJD baspasóz qyzmeti.
Osyǵan oraı, Almaty qalalyq TJD mynadaı málimdemesin jarıa etti:
- qatty jaýyn-shashyn (qar, jańbyr) nemese qatty jel týraly daýyl týraly eskertý jarıalanǵan jaǵdaıda, tipti taýly aımaqqa barýdy keıinge qaldyrǵan durys.
- eger siz kishigirim topyraq kóshkinderdi baıqasańyz, onda taýǵa barmaǵanyńyz jón. Jaýyn-shashyn túsken jaǵdaıda tómen taýly aımaqta topyraq kóshkin bolýy múmkin.
- Eger siz taýda bolsańyz, muqıat bolyńyz jáne aýa raıynyń ózgerýin qadaǵalańyz.
- taý bókterinde qardyń jyljýyn, qardyń túıirshikterin baıqasańyz, onda taýlarǵa barmaǵanyńyz jón, bul qardyń turaqsyz kúıde ekenin, kóshkin bolý qaýpi múmkin ekenin bildiredi.
- úıge qaıtýdy táýliktiń kesh ýaqytyna keshiktirmeńiz, keri baǵytty taba almaýyńyz múmkin.
- rúkzaktarda mynalar bolýy tıis: jyly kıimder, kútpegen jaǵdaıda dárigerge deıingi kómek kórsetýge arnalǵan dári qobdıshasy, GPS navıgatorlarynyń bolýy artyq bolmaıdy.
- týǵan-týystaryńyz ben jaqyndaryńyzdy marshrýtyńyzdyń baǵyty jáne ornalasqan jerińizdi barynsha tolyq habardar etý óte mańyzdy.