Bul týraly QR SİM baspasóz qyzmeti málim etti.
Qazaqstannyń Birikken Ulttar Uıymy (BUU) janyndaǵy turaqty ókili Aqan Rahmetýllın BUU Qarýsyzdaný komısıasynyń jyl saıynǵy sesıasynyń tóraǵasy bolyp saılandy, dep habarlaıdy Almaty-akshamy.kz SİM baspasóz qyzmetine silteme jasap.
"Qazaqstannyń bastamasymen Birikken Ulttar Uıymynyń Qarýsyzdandyrý jónindegi komısıasynyń jyl saıynǵy sesıasynyń tóraǵasy laýazymyna Qazaqstan Respýblıkasynyń BUU janyndaǵy turaqty ókili Aqan Rahmetýllınniń kandıdatýrasy usynylyp, biraýyzdan maquldandy", - delingen habarlamada.
"Táýelsiz Qazaqstan tarıhynda tuńǵysh ret elimizdiń ókili saılanǵan mańyzdy organǵa tabysty tóraǵalyq etý úshin alda kóp jumys kútip tur", - delingen SİM habarlamasynda.
BUU-nyń Qarýsyzdaný jónindegi komısıasy Bas Assambleıaǵa baǵynatyn konsýltatıvtik-keńesshi organ. Onyń qyzmeti qarýsyzdaný salasyndaǵy túrli problemalardy qarastyrý jáne usynystar berý bolyp tabylady. Sesıa jumysy 21 sáýirge deıin jalǵasady.