13 myńǵa jýyq qyzmetkerge qosymsha aqy taǵaıyndalatyn bolady.
Jalaqy mólsheri laýazymy men eńbek ótiline qaraı 101-den 320 myń teńgege deıingi mólsherde bolmaq, dep habarlaıdy Almaty-akshamy.kz
Elimizde orman jáne tabıǵat qorǵaý mekemeleri qyzmetkerleriniń jalaqysy ósedi.
Orman sharýashylyǵy jáne janýarlar dúnıesi komıtetiniń málimetinshe, búginde orman sharýashylyǵy qyzmetkerleriniń jalaqysy respýblıka boıynsha tómen aqylardyń biri bolyp sanalady. Bul másele mamandardyń saladan ketýine ákep soqty.
Qostanaı oblysyndaǵy bolǵan qaıǵyly oqıǵa Premer-Mınıstrdiń nazaryn orman jáne tabıǵat qorǵaý mekemeleri qyzmetkerleriniń jalaqysyn arttyrý qajettigine aýdardy.
Eńbek jáne halyqty áleýmettik qorǵaý mınıstrligi qyzmetkerlerdiń aılyqtaryna qosylatyn ústemaqy mólsherin arttyra otyryp jalaqy kóterý máselesin qoldady.
Osyǵan oraı, mınıstrlik «Azamattyq qyzmetshilerge, memlekettik búdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2015 jylǵy 31 jeltoqsandaǵy № 1193 qaýlysyna túzetýler ázirledi jáne tıisti esepteýler júrgizdi.
Orman jáne tabıǵat qorǵaý mekemeleri qyzmetkerleriniń jalaqysyn ulǵaıtý máselesi 2023 jylǵy 28 aqpanda respýblıkalyq búdjet komısıasynyń otyrysynda qaralyp, qoldaý tapty, osyǵan baılanysty QRÚK ázirlengen jobasy múddeli memlekettik organdarmen kelisimdeýden ótkennen keıin Úkimet apparatyna jiberiletin bolady.
Atalǵan joba qabyldaǵannan keıin 12876 qyzmetkerdiń densaýlyǵy men ómirine zıan keltirý qaýpimen baılanysty qosymsha aqy taǵaıyndalatyn bolady.
Jobany qabyldaý, densaýlyǵy men ómirine zıan keltirý qaýpimen baılanysty jumysy úshin 12 876 qyzmetkerge qosymsha aqy taǵaıyndalatyn bolady.
Orman jáne balyq sharýashylyǵy qyzmetkerleriniń jalaqysy respýblıkadaǵy eń tómengi deńgeıde qalatynyn eskere otyryp, olardy áleýmettik qorǵaý maqsatynda 2023 jyldan bastap jalaqysyna 100% mólsherde densaýlyǵy men ómirine zıan keltirý qaýpimen baılanysty jumysy úshin qosymsha aqy belgileý usynyldy.