Bir táýlik ishinde Áýezov aýdanynyń polısıa qyzmetkerleri Jambyl oblysy aýmaǵynda kólik urylaryn quryqtap, qylmystyń betin ashty, dep habarlaıdy Almaty-akshamy.kz.
«23 jáne 19 jastaǵy eki kúdikti Qoıchýmanova kóshesindegi úılerdiń biriniń aýlasynan Mercedes kóligin urlady degen kúdikke ilindi. Jedel izdestirý is-sharalary barysynda kúdiktiler ustaldy. 23 jastaǵy A. esimdi azamat jáne onyń 19 jastaǵy M. esimdi “serigi” de - Jambyl oblysynyń týmalary. Olardyń joly Qordaı aýylynda bógeldi. Kólik tárkilenip, zattaı aıǵaq retinde qylmystyq iske qosyldy», – dedi Áýezov aýdandyq polısıa basqarmasynyń bastyǵy Edilhan Baıǵaraev.
Polisia.kz-tiń málimeti boıynsha, qazir polısıa qyzmetkerleri ustalǵandardyń qalada jasalǵan osyǵan uqsas qylmystarǵa qatysy bar-joǵyn tekserip jatyr. Atalǵan derek boıynsha qylmystyq is tirkeldi. Tergeý barysynda kúdiktiler ýaqytsha ustaý ızolátoryna qamaldy. Qylmystyq is boıynsha basqa da málimetter QR QPK-niń 201-baby jáne QR konstıtýsıasynyń normalaryna sáıkes jarıa etýge jatpaıdy.