Qarardy Birikken Ulttar Uıymyna múshe 85 el birlesip ázirledi.
BUU Bas Assambleıasynyń 77-sessıasynda Abaı oblysyn ońaltý týraly qarar qabyldandy, dep habarlaıdy Almaty-akshamy.kz
Bul halyqaralyq uıymnyń 1997 jyldan beri osy aımaq halqyna qoldaý kórsetý men qorshaǵan ortany qalpyna keltirýge arnalǵan 11-rezolúsıasy bolyp tabylady. Uıym halyqaralyq qaýymdastyqty osy maqsattaǵy arnaıy baǵdarlamalar men jobalardy ázirleý men júzege asyrýda Qazaqstanǵa kómek berýge shaqyrady, óńirdiń turaqty ekonomıkalyq damýyn qamtamasyz etýge úndeıdi. Qujatta álem elderiniń aımaqtaǵy ahýaldan habardar bolyp otyrýyna mán berý kerektigi jazylǵan.
"Qarardy Birikken Ulttar Uıymyna múshe 85 el birlesip ázirledi. Bul halyqaralyq qaýymdastyqtyń ıadrolyq synaqtardan japa shekken burynǵy Semeı óńiri halqynyń, ásirese ondaǵy balalar men basqa da osal toptardyń densaýlyǵy úshin alańdaıtynyn kórsetedi. Qujatta Qazaqstan Úkimetiniń aımaqty qalpyna keltirýdegi mańyzdy roli aıtylyp, álem elderin osy baǵytta qolǵa alynyp jatqan is-sharalarǵa atsalysýǵa shaqyrady", dedi BUU janyndaǵy Qazaqstannyń turaqty ókildiginiń keńesshisi Baýyrjan Kerimqulov.