Áleýmettik jelide ushaqtyń apatty esigin negizsiz ashyp jibergen jolaýshynyń vıdeosy tarady.
Qazaqstannyń avıasıa ákimshiligi jaǵdaıdyń mán-jaıyn anyqtaý úshin tıisti tekserý júrgizedi, dep habarlaıdy Almaty-akshamy.kz
«2023 jylǵy 23 jeltoqsanda «Shymkent – Almaty» baǵyty boıynsha FlyArystan áýe kompanıasynyń KS7106 reısi jergilikti ýaqyt boıynsha saǵat 01:19-da qonǵannan keıin jolaýshy apattyq esikti ashty. Bort tekserilip, ushýlardy oryndaýǵa ruqsat etildi. Jolaýshy shara qoldaný úshin İshki ister mınıstrligi qyzmetkerlerine tapsyryldy», - delingen Azamattyq avıasıa komıtetinde.
Komıtettiń habarlaýynsha, jaǵdaıdyń mán-jaıyn anyqtaý úshin Qazaqstannyń avıasıa ákimshiligi tıisti tekserý júrgizedi.
«Tekserý esikti óz betimen ashqan jolaýshyǵa da, avtotrap berýge jaýapty áýejaı qyzmetterine de qatysty júrgiziletin bolady», - delingen málimette.