Apattyń barlyq mán-jaıyn jol polısıasynyń qyzmetkerleri anyqtaıtyn bolady.
"Apattyń barlyq mán-jaıyn jol polısıasynyń qyzmetkerleri anyqtaıtyn bolady. Adem" saýda úıine qarama-qarsy bette, Soltústik aınalma jolynda jappaı jol apaty boldy, dep habarlaıdy almaty-akshamy.kz
Jol-kólik oqıǵasyna qatystylardyń aıtýynsha, jol apatyna túrtki Toyota Camry kóligi Soltústik aınalma jolmen soltústik baǵyttan kele jatqan. Qozǵalys kezinde ol joldyń ár jolaǵyna ótip, ary-beri oıqastaı bergen. Osyndaı manevrlerdiń birinde Toyota Chevrolet Cobalt kóligine soǵylady.
Odan keıin Toyota Chevrolet Nexia-ǵa qaraı ushyp ketedi.
Soqqydan Nexia jol shetine ushyp, trotýarǵa shyǵyp ketedi.
Al bul kezde Toyota joldyń qarama-qarsy bóligine ushyp, Nissan Primera, Mercedes-Benz kólikterine soqtyǵysyp, aqyrynda Toyota Land Cruiser Prado-men betpe-bet túıisip baryp toqtaıdy.
Oqıǵa ornyna jetken polısıa qyzmetkerleri jol-kólik oqıǵasy oryn alǵan oryndy qorshady. Osyǵan baılanysty bul baǵytta kólik keptelisi boldy.
Aldyn ala aqparat boıynsha, 7 adam aýrýhanaǵa jatqyzyldy. Toyota Land Cruiser Prado-daǵy balalarymen qosa áıel adam zardap shekti. Balalardyń biriniń qoly synǵany aıtylady.