Arystanbek Muhamedıuly 2022 jyldyń naýryz aıynan beri qamaýda.
Burynǵy Mádenıet jáne sport mınıstrine búdjet qarajatyn jymqyrdy degen aıyp taǵylyp otyr, dep habarlaıdy Almaty-akshamy.kz.
«2023 jyldyń 17 qańtarynda Astana qalasynyń mamandandyrylǵan aýdanaralyq tergeý soty kúdikti Muhamedıuly Arystanbekke qatysty qamaýǵa alý túrindegi sanksıalanǵan bultartpaý sharasynyń merzimin bir aıǵa uzartty», - dep habarlady elordalyq sottyń baspasóz qyzmetinen.
Eske sala keteıik, 2022 jyldyń tamyzynda Sybaılas jemqorlyqqa qarsy qyzmet Mádenıet mınıstrliginiń burynǵy basshysy, Ulttyq mýzeıdiń dırektory Arystanbek Muhamedıulyna jáne basqa da tulǵalarǵa asa iri kólemde búdjet qarajatyn jymqyrý jáne quqyq buzýshylyq faktileri boıynsha tergeý bastalǵanyn habarlaǵan edi.
Tergeý «Altyn adamnyń álem murajaılary arqyly ótýi» halyqaralyq kórmesin ótkizýge, sondaı-aq «Qazaqstannyń ulttyq kıeli nysandaryn ulttyq fotogrammetrıalyq 3D skanerleý jáne murajaı» jáne «Qazaqstan Respýblıkasynyń ulttyq sıfrlyq fılmder jınaǵyn sıfrlandyrý» jobalaryna bólingen búdjet qarajatyn jymqyrý faktileri boıynsha júrgizildi.
Resmı derekterge qaraǵanda, tergelip jatqan qylmystyq ister boıynsha memleketke keltirilgen shyǵynnyń aldyn ala mólsheri jeti mıllıard teńgege jýyqtaǵan.