Alaıaqtyqtyń deni qarjylyq pıramıdalarymen baılanysty.
Bul týraly Almaty polısıasynyń basshysy Arystanǵanı Zapparov málimdedi, dep habarlaıdy Almaty-akshamy.kz Polisia.kz-ke silteme jasap.
«Bir qarjy uıymyna qatysty qylmystyq isti tergeý aıasynda birneshe jábirlenýshiniń aryzy negizinde tirkelgen isterdiń kóp bóligi bir óndiriske biriktiriledi. Mysaly, Mudarabah Capital-ǵa qatysty qylmystyq istiń 179 epızody,«Oskar Medıkal» boıynsha 298 epızod jáne «Qi Trade» boıynsha 4 myńnan astam jábirlenýshi bir óndiriske biriktirildi. Bul rette tanymal tutynýshy ınternet-platformalarynyń ókilderimen jumys kezdesýleri, sondaı-aq BAQ-ta jáne áleýmettik jelilerde ınternet-alaıaqtyqpen kúresý týraly aqparaty bar maqalalar, beınerolıkter turaqty jarıalanýynyń arqasynda ınternettegi alaıaqtyqtardyń sanyn azaıtýǵa múmkindik týdy», – dedi Arystanǵanı Zapparov.
«Kıbernadzor» aqparattyq júıesi arqyly zańsyz saıttardy anyqtaý úshin ınternet keńistigine monıtorıń júrgizý barysynda elde 800-den astam resýrs buǵattalǵan nemese shektelgen. PD-nyń arnaıy tergeý-jedel toby IT-tehnologıalar salasyndaǵy qylmystardy ashý boıynsha jumysyn jalǵastyryp jatyr.