"Qazgıdromet" sınoptıkteri 19, 20 jáne 21 shildege arnalǵan aýa raıy boljamyn usyndy, - dep habarlaıdy aqshamnews.kz tilshisi.
Qaı óńirlerde jańbyr kútiledi?
Aptanyń basynda atmosferalyq frontal bólikterdiń ótýine baılanysty Qazaqstannyń basym bóliginde jańbyr jaýyp, naızaǵaı oınaıdy. 19 shildede - soltústikte jáne ortalyqta, al 20 shildede - eldiń shyǵysynda qatty jańbyr, burshaq jáne daýyl kútiledi.
Aptanyń aıaǵyna qaraı el aýmaǵyna soltústik-batystan antısıklon keledi. Sonyń áserinen jaýyn-shashyn birtindep toqtap, aýa temperatýrasy tómendeıdi. Respýblıkanyń kóp bóliginde jel kúsheıedi, al ońtústikte jáne ońtústik-batysta qumdy daýyl soǵýy múmkin. Túngi jáne tańǵy ýaqytta soltústik-batys pen soltústikte tuman kútiledi.
Aýa temperatýrasy 43 gradýsqa deıin jetedi
Batys jáne ońtústik-batys aımaqtarda aldaǵy kúnderi qatty ystyq saqtalady - aýa temperatýrasy 43 gradýsqa deıin jetedi. Soltústik-batys pen shyǵysta - 40 gradýs, al ońtústik-shyǵysta - 42 gradýsqa deıin kóteriledi.