Fılmniń basty keıipkerleri – arnaıy jasaqtyń úsh jaýyngeri.
1 qarashada Almaty qalasynda QR Mádenıet jáne aqparat mınıstrligi men ózara yqpaldastyq organdary ókilderiniń, fılmniń shyǵarmashylyq toby men akterleriniń qatysýymen «BURKIT – arnaıy jasaq» atty kórkemsýretti fılminiń tusaýkeseri ótedi, dep habarlaıdy Almaty-akshamy.kz
Kórkem týyndy byltyr Mádenıet jáne aqparat mınıstrligi Ulttyq kınony qoldaý memlekettik ortalyǵynyń tapsyrysy boıynsha elimizdiń eń tanymal akterleriniń qatysýymen túsirildi jáne óńdeý jumystaryn Gollıvýdtyń óńdeýshi rejıseri atqarǵan.
Týyndy avtorlarynyń basty maqsaty – kınokartınanyń keıipkerleri arqyly Otanǵa degen súıispenshilikti, dostyq pen patrıotızmdi, namys pen abyroıdy, Áskerı antqa jáne qyzmettik mindetke degen adaldyqty, sonymen qatar, Qazaqstannyń arnaıy maqsattaǵy bólimsheleriniń negizgi mindetterin kórermenge jetkizý.
Kınotýyndyda qorǵaýshy mısıasyn oryndaýda, dostyqty saqtaýǵa jáne óziniń armanyna – arnaıy kúshterdiń sımvolyna aınalǵan «Kúreń beretke» jetý jolynda adamnyń qanshalyqty ózgerýi múmkin ekendigi týraly baıandalady. Onyń basty keıipkerleri – arnaıy jasaqtyń úsh jaýyngeri ári eń jaqyn úsh dos «Kúreń beret» ıelenýdi armandaıdy. Jaýyngerlerdiń kúndelikti mindetteri qaýipti qylmystyq toptarǵa qarsy turý. Sondaı tapsyrmalardyń birinde olardyń dostyǵy synalady.
«Fılmniń premerasy aldaǵy kúnderi, 2 qarashada bastalady. Al kınokartınanyń alǵashqy tanystyrylymy ál-Farabı dańǵyly, 77/8 úı, «ESENTAI Mall» SOO-da ornalasqan Kinopark zalynda saǵat 19.00-de ótedi», dep habarlady QR Ulttyq ulanynyń baspasóz qyzmeti.