Erbolat Dosaev Almatydaǵy buralqy ıtterdi ustaý máselesine toqtaldy, dep habarlaıdy Almaty-akshamy.kz
Bostandyq aýdany turǵynynyń suraǵy: - Erbolat Asqarbekuly, Tuńǵysh Prezıdent saıabaǵyndaǵy buralqy ıtterdiń máselesin sheshýge kómek berseńiz. Balalarmen birge júrýge qorqamyz.
Almaty ákimi Erbolat Dosaevtyń jaýaby:- Bul máseleni múmkindiginshe sheshemiz. Bıyl qalada 200 oryndyq ıtterdi ýaqytsha ustaý pýnkti ashyldy, osy jumysty jalǵastyrýdy josparlap otyrmyz.
Buralqy janýarlardy chıpteıdi, emdeıdi, biraq uzaq ýaqyt ustaı almaıdy. Zań boıynsha bizde ortalyqtandyrylǵan qyzmet bolýy kerek. Aýdandyq ákimdikter bul máselelerdi óz betinshe sheshe almaıdy. Bul máseleni qalalyq máslıhatta talqylaý josparlanyp otyr.
Aıta keteıik, 2023 jyldyń aqpan aıynda Almatyda úı janýarlaryn ustaý men serýendetýdiń jańa erejesi kúshine endi. 2022 jyldyń naýryzyna deıin ustalǵan janýarlardyń ıesi tabylǵanǵa deıin úsh kún boıy arnaıy orynda bolady, al eshkim izdemegen janýarlar dári-dármekpen jansyzdandyrylady. Endi buralqy ıtter ýaqytsha ustaý pýnktinde torǵa nemese úıshikke ornalastyrylyp, juqpaly aýrýlarǵa dıagnostıkalyq zertteýler júrgiziledi. Tirkelgennen keıin janýarlardyń fotosýretteri @aulau_kyzmeti Instagram paraqshasynda jarıalanady.
UUVB (ustaý-uryqsyzdandyrý-vaksınasıa-bosatý) baǵdarlamasy aıasynda suraýy joq janýarlar agresıaǵa tekserilgennen keıin bırka taǵylyp, burynǵy jerine jiberiledi.