SHQO tótenshe jaǵdaılar departamenti baspasóz qyzmetiniń málimeti boıynsha, Altaı aýdany Oktábrskıı kentindegi Buqtyrma sý qoımasynyń Gýsınyı aralynda órt boldy.
Oqıǵa ornyna jetý úshin órt sóndirýshilerge sýda qaıyqpen júzip barýǵa týra keldi. Qyzyl jalyn shóp pen qamysty sharpyǵan.
«Sol jerge jetken №20 órt sóndirý bólimshesiniń jáne № 8 qutqarý bólimshesiniń qyzmetkerleri otpen kúreske kiristi. Kóp uzamaı jalpy aýdany 6 gektardy quraǵan tilsiz jaý tolyqtaı aýyzdyqtaldy», - delingen aqparatta.
Aıta keteıik, órtti óshirýge barlyǵy 6 adam jumyldyrylǵan.