Osy joly ekpozısıaǵa Ońtústik astananyń kórikti jerleri men qazaq halqynyń turmys-tirshiligin pash etetin 70-ten astam týyndy usynyldy.
Kartınalardyń avtorlary Almaty óner akademıasynyń túlekteri. Kórme uıymdastyrýshylarynyń aıtýynsha, osy tektes sharalar ónersúıer qaýym arasynda joǵary suranysqa ıe. Kórme ashylǵaly júzdegen adam kelip, qylqalam sheberleriniń shyǵarmashylyǵymen tanysyp úlgerdi, dep habarlaıdy Almaty-akshamy.kz 24.kz-ke silteme jasap.
Kórermen nazaryna usynylǵan kartınalardyń qatarynda kórkemsýret mýzeıiniń qorynda saqtalǵan ataqty sýretshi Ábilhan Qasteevtiń «Meniń Otanym» týyndysy bar. Kórmede, sonymen qatar, portret, natúrmort, peızaj janrynda oryndalǵan shyǵarmalardy da tamashalaýǵa bolady.
«Maqtanyshymyz – Ábilhan Qasteevtiń kartınasy. Osyndaı úlken formatty kartına bizdiń oblystyq mýzeıinde ǵana bar Qazaqstan boıynsha. Bul kartınada Ábilhan Qasteev óziniń týǵan jeriniń ásemdigin, tabıǵatyn, sulýlyǵyn, baılyǵyn, kórstekisi kelgen. Bul kartınada sol kezdegi zamanǵa saı damyp kele jatqany beınelengen. Artqy fonda qazaqtyń ulttyq ómir salty beınelengen», - deıdi oblystyq kórkemsýret mýzeıiniń qyzmetkeri Kamılla Baıbolova.