Elimizdiń birqatar óńirine jumys saparymen barǵan Kólik mınıstri Marat Qarabaev Buqtyrma sý qoımasy arqyly ótetin kópirdiń qurylys barysyn tekserdi.
Shyǵys Qazaqstan oblysyndaǵy Buqtyrma sý qoımasy arqyly ótetin eki jolaqty avtomobıl kópiriniń jalpy uzyndyǵy 1316 metrdi quraıdy
Atalǵan jobanyń aımaq úshin strategıalyq mańyzy zor. Qurylys nysanynyń halyq ıgiligine paıdalanýǵa berilýi Shyǵys Qazaqstan oblysy men Abaı oblysynyń kólik ınfraqurylymyn jaqsartady dep kútilýde, dep habarlaıdy Almaty-akshamy.kz Kólik mınıstrligine silteme jasap.
Buqtyrma sý qoımasy arqyly ótetin kópir Shyǵys Qazaqstan oblysynyń Jarma, Katonqaraǵaı, Kúrshim, Kókpekti, Zaısan, Altaı aýdandary arasyndaǵy kólik quraldarynyń úzdiksiz qozǵalysy úshin mańyzdy nysan.
Salynyp jatqan kópir ótkeliniń jalpy uzyndyǵy 20 shaqyrymdy quraıdy. 21 tirektiń 18-i salynyp, qalǵan úsh tirek boıynsha jumystar jalǵasyp jatyr. Nysanda arnaıy aılaq, jıyntyqtaýshy bólshekterdi daıyndaýǵa arnalǵan ýaqytsha qurylys alańdary jumys isteıdi, sondaı-aq ınjenerlik jeliler tartylǵan. Jumysty jedeldetý maqsatynda kópirdiń qurylysy bir mezgilde sol jáne oń jaǵalaýdan qatar júrgizilýde.
Qazirgi ýaqytta ýaqytsha tehnologıalyq kópirdiń qurylysy tolyǵymen aıaqtalǵan. Bul atalǵan qurylys jumystaryn oryndaý úshin qajetti alańdarmen qamtamasyz etetin aýmaq. Kirme jolda jer tósemin ornatý jáne qum-qıyrshyq tas tóseý jumystary aıaqtaldy. Aldaǵy ýaqytta jalǵasatyn qurylys-montajdaý jumystaryna arnalǵan barlyq qajetti materıal daıyn. Ýchaskedegi jumysshylar eki aýysymda isteıdi, jalpy sany 200-ten astam adam jumyldyrylylǵan.