Temeki shegýge zıansyz balama retinde jıi usynylatyn veıpter nemese elektrondyq temeki shyn máninde ókpeniń aýyr aýrýlaryna, jas kezinen bastap júrek-qan tamyrlary patologıasynyń damýyna, sondaı-aq jarylýlar men aqaýlardan kúıý, múgedektik jáne ólim sıaqty birqatar fızıkalyq jaraqattarǵa ákeledi.
Veıpter - bul nıkotındi qyzdyrý jáne aerolızdeý arqyly elektrondyq jetkizý júıesin bildiredi. Mundaı qurylǵydaǵy temperatýra 350⁰S jetýi múmkin. Dástúrli toltyrǵyshtyń quramyna propılenglıkol, glıserın, nıkotın, hosh ıister kiredi, dep habarlaıdy almaty-akshamy.kz.
Qurylǵydaǵy qospany qyzdyrǵan kezde komponentterdiń arasynda hımıalyq reaksıa paıda bolady jáne qyzdyrylmaǵan qospada joq jańa hımıalyq zattar paıda bolady.
Veıpterge arnalǵan suıyqtyqta hımıalyq zattar bar (quramynda temeki joq), olar býlanǵan kezde ókpe tinine (alveolalarǵa) enip, ókpe júıesine ólimge deıin salystyrmaly túrde tez jáne tereń zaqym keltiredi.
Balalar men jasóspirimderdiń nıkotındi qoldanýy mıdyń damýyna zıandy áser etedi, psıhıkalyq damýdyń uzaq merzimdi saldaryna ákeledi, oqý qabiletiniń buzylýyna jáne mazasyzdyqtyń damýyna yqpal etedi.
Júkti áıelderdiń nıkotındi qoldanýy uryq mıynyń damýyna osyndaı áser etýi múmkin.
Djons Hopkıns ýnıversıtetiniń derekteri boıynsha, veıpterde dástúrli temekige qaraǵanda 10 ese kóp nıkotın bar.
Qazaqstanda 11-15 jas aralyǵyndaǵy jasóspirimderdiń 9,8%-y únemi elektrondyq temeki/veıp tutynady. Tutaný men tútinniń ıisi bolmaǵandyqtan, ata-analar balalarynda nıkotınge táýeldiliktiń damýyn uzaq ýaqyt boıy baıqamaıdy.
32 el (Danıa, Norvegıa, Ýrýgvaı, Argentına, Panama, Gonkong, Sıngapýr jáne t.b.) veıp aınalymyna ýaqtyly tyıym saldy.