İs-shara elimizdiń barlyq óńirinen 200-den astam kásipker áıelderdiń basyn biriktirdi.
Óz sózinde Ulttyq ekonomıka vıse-mınıstri Baýyrjan Omarbekov atap ótkendeı, búginde memleket bıznesti, onyń ishinde áıelder kásipkerligin damytý maqsatynda aýqymdy memlekettik qoldaý sharalaryn qabyldap jatyr. Kásipker áıelderdi qoldaý úshin qarjylyq jáne qarjylyq emes sharalar usynylady, dep habarlaıdy almaty-akshamy.kz.
-2022 jyldyń jáne bıylǵy jyldyń 10 aıynyń qorytyndysy boıynsha kásipker áıelderdiń 638 mlrd. teńgege 17 myńǵa jýyq jobasy sýbsıdıalandy, 114 mlrd.teńgege 13 myńǵa jýyq joba kepildendirildi. Osy kezeńde 147 myń keńes berildi, - dedi ol.
Sondaı-aq, elimizde áıelder kásipkerligin damytý boıynsha 20 ortalyq jumys isteıdi. Búgingi tańda 7 myńnan astam keńester berilip, túrli qyzmetter kórsetildi.
Óńirlerde «Bir aýyl - bir ónim» jobasy tabysty iske asyrylýda. Onyń maqsaty – jergilikti qoǵamdastyqtyń áleýetin damytý ári nyǵaıtý, sondaı-aq aýyl turǵyndarynyń ál-aýqatyn arttyrý. Qazirgi tańda joba naryqtyq áleýeti bar óńirlerdegi eń perspektıvaly taýarlardy anyqtaýǵa múmkindik týǵyzdy. Sonymen qatar, «Bıznestegi áıelder» baǵdarlamasy júzege asyrylýda.
Jalpy, «taza paraqtan» retteý saıasaty jáne jańa Salyq Kodeksi bıznesti júrgizý jaǵdaılaryn jaqsartýǵa, ákimshilik júktemeni azaıtýǵa baǵyttalǵan.
-Osylaısha, qoldanystaǵy yntalandyrý sharalaryn saqtaı otyryp, bıznesti qoldaýdyń jańa baǵyttaryn usynamyz, - dep túıindedi vıse-mınıstr.