Almaty ákimi Erbolat Dosaev Medeý aýdanynyń turǵyndarymen kezdesýde ınfraqurylym máselesin sheshý, alys ornalasqan shaǵyn aýdandardy sýmen jabdyqtaý jáne káriz júı̆esimen qamtamasyz etý týraly aı̆tty, dep habarlaıdy aqshamnews.kz
«Buryn kóterilgen kóptegen másele búginde sheshimin tapty. Byltyr Kamensk ústirti boı̆ynsha qanshalyqty dúrlikpe bolǵanyn bári umytty. Qazir aýdannyń 50 myń turǵyny turaqty sýmen qamtyldy, bul másele qaı̆ta kóterilmeı̆di. Bul men úshin úlken jetistik. Bıyl biz aýdannyń batys bóliginde jumys júrgizemiz, al kelesi jyly shyǵys bóligine, onyń ishinde sý burý júı̆eleri men jelilerdiń qurylysyn qolǵa alamyz. Sebebi turǵyndar septıkterdi paı̆dalanǵandyqtan, taýlardyń jyljýyna qaýip tónedi. Bul másele men úshin asa mańyzdy», – dedi qala basshysy.
Eske salsaq, Medeý aýdanyndaǵy iri ınfraqurylymdyq jobalardy iske asyrý aıasynda buryn sý jáne káriz júı̆esi bolmaǵan alys shaǵyn aýdandar qamtyldy. Osylaı̆sha, bıyl naýryzda «Kamensk ústirti» shaǵyn aýdanynyń batys bóliginde 7 myń turǵyndy sýmen jáne káriz júı̆esimen qamtamasyz etý úshin 50 shaqyrym taratý jelileriniń qurylysy bastalady. Jumys 2026 jyldyń qyrkúı̆eginde aıaqtalady.
Sondaı̆-aq, bıyl Mýztaý, Sulýsaı̆, Atyraý, Alataý, Kishi Stanısa jáne Taýly qyrat shaǵyn aýdandarynda taǵy 100 shaqyrym sý qubyry jáne káriz jelileri salynady.
Mańyzdy jobalardyń biri – 2024 jyldyń shildesinde rezervtik sýmen jabdyqtaý júı̆esiniń iske qosylýy boldy. Búginde bul júı̆e Talǵar jerasty sý kózderinen táýligine 32 myń tekshe metr sý jetkizip, Samal, Kóktóbe jáne Taýly qyrat shaǵyn aýdandarynyń 50 myń turǵynyn turaqty sýmen qamtamasyz etip otyr.