Medeý aýdanynyń turǵyndarymen kezdesý barysynda Almaty ákimi Erbolat Dosaev jol jáne kólik ınfraqurylymyn damytý jumystary týraly aı̆typ berdi.
Qala basshysy 2024 jyly uzyndyǵy 23 shaqyrym 26 kóshe ortasha jóndeýmen qamtylǵanyn habarlady. bıyl 25 kóshede taǵy 23,7 shaqyrym jolǵa ortasha jóndeý jumystary josparlanǵan.
Medeý aýdanynda kóshe-jol jelisiniń sapasyn arttyrý úshin ótken jyly 64 myń sharshy metr jol jabyny qalpyna keltirildi, 30 kóshede 14,3 km trotýar jáne 10 shaqyrym aryq jelileri salyndy. Aǵymdaǵy jyly 73 myń sharshy metr jol jabynyn jóndeýdi, 9 kóshede 36 shaqyrymnan astam jańa trotýarlar salýdy jáne 18 kóshede 5 shaqyrymǵa jýyq aryq jelilerin salýdy qosa alǵanda, birqatar qosymsha jumystardy oryndaý josparlanýda.
Kezdesý barysynda Almaty ákimi aýdanda qoǵamdyq kólik qyzmetteriniń sapasyn arttyrý boı̆ynsha júrgizilip jatqan jumystar týraly da habardar etti. 2024 jyly jyljymaly quram 300 birlikke 1569 avtobýsqa deı̆in ulǵaı̆tyldy, bul 8 jańa marshrýtty uı̆ymdastyrýǵa, 42 qoldanystaǵy marshrýtty jańartýǵa jáne nyǵaı̆týǵa múmkindik berdi. 2025 jylǵy mamyrda jyljymaly quram 13 marshrýtta taǵy 44 avtobýsqa ulǵaı̆tylatyn bolady.
Jalpy Almatyda 2025 jyly qoǵamdyq kóliktiń qoljetimdiligin arttyrý jáne damytý maqsatynda qala aýdandary boı̆ynsha odan ári bóle otyryp, taǵy 800 jańa avtobýs satyp alý josparlanýda.