Májilis depýtaty Dáýlet Muqaev «Ashyq alań» baǵdarlamasynda ysyrapshyldyqqa qatysty óz pikirin bildirdi.
«Astananyń Bas meshiti men Haziret Sultan meshitindegi asqanada as beretin bolsańyz, adam basyna 20000 teńgege deıin tóleýge daıyn bolyńyz! Adam ólimindegi as emes, toı jasaıtyn dastarqan! Mınımaldy baǵa 7000 teńge. Biraq ol kezde etti ózińiz ákelesiz. Bul bıznes bolmaǵanda ne? Mysaly Shyǵys Qazaqstan, Abaı, Pavlodar oblystarynda dastarqanda tek 7-aq as túri bolady. Odan basqa mázir joq! Usynbaıdy! Nege bas qalada, basqa aımaqtarda osylaı bolmaıdy? Erte me, kesh pe kez kelgen adam basyna ólim keledi. Odan eshkim qutyla almaıdy. Jer alý, janaza, as berý, zırat kóterý… osynyń bári bir kúni aldyńyzdan shyǵatyn dinı joralǵylar. Qazaqstan Musylmandar Dinı Basqarmasy tarapynan bul másele durys jolǵa qoıylmasa, qaıǵydan qan jutyp otyrǵan jandarǵa, aqshasy joqtarǵa odan saıyn soqqy bolyp otyr. Ysyrapshyldyqtyń aldyn alý nege MESHİTTERDEN bastalmaıdy?!» - dep jazdy depýtat óziniń ınstagram paraqshasynda.