Premer-mınıstr Álıhan Smaıylov qazaqstandyqtardy Táýelsizdik kúnimen quttyqtady.
«Qurmetti qazaqstandyqtar! Sizderdi Qazaqstan Respýblıkasynyń Táýelsizdik kúnimen shyn júrekten quttyqtaımyn! Bul – egemen elimizdiń shyn mánindegi basty memlekettik merekesi. Óıtkeni qajyrly kúres pen jankeshti eńbektiń arqasynda qolymyz jetken táýelsizdik – kózdiń qarashyǵyndaı qorǵalýǵa tıis qasterli qundylyq.
Prezıdent Qasym-Jomart Toqaev júrgizip otyrǵan memlekettik saıasat táýelsizdik tuǵyryn nyǵaıtýǵa baǵyttalǵan. Shynaıy jańǵyrý jolyna qadam basqan Qazaqstan alashtyń ádilettilik pen azattyq jolyndaǵy san ǵasyrlyq armanyn aqıqatqa aınaldyrdy. Sondyqtan bizdiń bolashaq urpaq aldyndaǵy basty paryzymyz – osynaý baǵa jetpes baılyǵymyzdy saqtap, el yrysyn eseleı túsý úshin qoldan kelgenniń bárin jasaý. Mereıli merekede barshańyzǵa ashyq aspan, myqty densaýlyq, tabys jáne amandyq tileımin! – dedi premer-mınıstr.