2023 jyly 16 jeltoqsanda saǵat 9:00-degi jaǵdaı boıynsha, aýa raıynyń nasharlaýyna baılanysty (sýyq kúnde jańbyrdyń jaýýy, boran, kóktaıǵaq) bes oblysta respýblıkalyq mańyzy bar tas joldardyń segiz ýchaskesinde kólik qozǵalysyna shekteý engizildi.
Jetisý oblysy:
Úsharal-Dostyq tas joly, Kóktuma stansıasynan Dostyq stansıasyna deıingi aralyqtaǵy jol ýchaskesi (100 km).
"Aýa raıynyń kúrt nasharlaýyna baılanysty shekteý sharalary engizildi (boran, aınalanyń kóriný deńgeıiniń tómendeýi). Shekteý kóliktiń barlyq túrlerine qoldanylady. Jolda turyp qalǵan kólikter sany - 68 júk kóligi".
"QazAvtoJol" UK" AQ baspasóz qyzmeti
Almaty oblysy:
Almaty-Tashkent-Termez tas joly, Jańaqurylys aýylynan Jambyl oblysynyń shekarasyna deıingi aralyqtaǵy jol ýchaskesi (84 km).
Jambyl oblysynda aýa raıynyń nasharlaýyna baılanysty kóliktiń barlyq túrleri úshin shekteý engizildi. Jolda kólikter turyp qalǵan joq.
Atyraý oblysy:
Aqtóbe - Atyraý - Reseı Federasıasynyń shekarasy (Astrahanǵa) tas joly, 712-893 km, Janbaı aýylynan Reseı Federasıasynyń shekarasyna deıingi (Astrahanǵa) aralyq.
Shekteý barlyq kólik túrlerine (jańbyr, kóktaıǵaq) qoldanylady.
Jambyl oblysy (jalpy jıyntyǵy - 600 km):
Almaty - Tashkent-Termez, Kenen aýylynan Qaınar aýylyna deıingi jol ýchaskesi (Jańa Qordaı asýy) – 95 km.
Shý-Qaınar - 56 km.
Almaty – Tashkent – Termez, Qaınar aýylynan Túrkistan oblysynyń shekarasyna deıingi jol ýchaskesi - 354 km.
Almaty-Tashkent-Termez, Almaty oblysynan Qaınar aýylyna deıingi jol ýchaskesi - 95 km.
Shekteý aýa raıynyń nasharlaýyna baılanysty engizildi (sýyq kúnde jańbyrdyń jaýýy, kóktaıǵaq) jáne kóliktiń barlyq túrlerine qoldanylady. Qaıta jabylǵan jol ýchaskelerinde 50 avtomobıl, onyń ishinde 30 júk jáne 20 jeńil avtomobıl jınalyp qaldy.
Túrkistan oblysy:
Almaty – Tashkent - Termez, Mashat aýylynan Jambyl oblysynyń shekarasyna deıingi jol ýchaskesi (62 km).
Shekteý Jambyl oblysynda aýa raıynyń nasharlaýyna baılanysty engizildi jáne kóliktiń barlyq túrleri úshin qoldanylady. Kólikterdiń turyp qalý faktisi tirkelmedi.
"Jalpy, qazirgi ýaqytta respýblıkalyq tas joldardyń 846 shaqyrymynda shekteý sharalary engizilgen. Qaıta jabylǵan ýchaskelerde 118 avtokólik tur, onyń ishinde 98 júk jáne 20 jeńil kólik bar. Qazirgi ýaqytta respýblıkalyq mańyzy bar tas joldarda kóktaıǵaqqa qarsy materıaldar sebýge, qar tazalaý jumystaryn júrgizýge 260 tehnıka jumyldyryldy", delingen habarlamada.