Avtokólik alýǵa jeńildetilgen nesıe berý baǵdarlamasy bastalǵaly el turǵyndary tarapynan 31 486 ótinish túsken.
16 tamyzdaǵy derek boıynsha, qazaqstandyqtardan 31 486 ótinish tústi. Onyń ishinde jalpy somasy 95 278 mlrd teńge bolatyn 12 454 ótinish maquldandy, dep habarlaıdy Almaty-akshamy.kz QazAqparatqa silteme jasap.
Al búgingi tańda jeńildetilgen avtonesıe baǵdarlamasy arqyly 9 923 azamat kólik kiltin qolyna aldy.
Indýstrıa jáne ınfraqurylymdyq damý mınıstrliginiń málimetinshe, jeńildetilgen lızıńpen beriletin aýyl sharýashylyǵy tehnıkasyn alýǵa 14,6 mlrd teńgege 231 ótinish túsken. Degenmen, bul baǵdarlama boıynsha ázirge maquldanǵan jáne tabystalǵan tehnıka joq.
Eske salaıyq, 1 tamyzdan aýyl sharýashylyǵy tehnıkasyn jeńildetilgen lızıńke berý baǵdarlamasy bastalǵan bolatyn.