Kóshede túkirý - mádenıetke jat ádet.
Almaty máslıhatynyń depýtaty, belgili qoǵam qaıratkeri Sergeı Ponomarev kóshede, qoǵamdyq oryndardy túkirý qala kórkin buzyp qana qoımaı, túrli bakterıalardyń taralýyna ákelýi múmkin dep sanaıdy, dep habarlaıdy Almaty-akshamy.kz
«Almatyǵa kelgen sheteldik týrıser eń aldymen neni kóredi? Árıne, taýdy kóredi. Biraq ony basyńdy kótergen kezde kóresiń, al tómen túsirse she... asfált betindegi qaqyryq-túkirikter. Bul týraly jıi aıtylady, kóbinese kúndelikti ómirde aıtyp jatamyz, mádenıetti bolýǵa shaqyryp jatamyz. Biraq adamdar avtokólik, avtobýs terezesinen, kóshede otyrǵan oryntardy otyryp, balalar alańdarynda, tipti jaıaý júrip bara jatyp túkirýlerin doǵarmaıdy. Mádenıetsizdikke jatatyn bul ádet jıirkenishti ǵana emes, densaýlyq úshin qaýipti!» – dep jazdy ol áleýmettik jelide.
Epıdemıologtardyń pikiri boıynsha, túkirik kóptegen aýrýlarǵa ákelýi múmkin: tipti keýip qalǵan adamnyń túkiriginde gerpes, qyzamyq, týberkýlez, gepatıt, pnevmonıa bolýy múmkin.
Buǵan deıin Densaýlyq saqtaý mınıstri Ajar Ǵınıat ta kóshede túkirýge tyıym salý usynysyn qoldap, bul ádetti «Bul mádenıettiń tómendigin kórsetedi, bul gıgıenaǵa qaıshy ári jaman ádet» degen bolatyn.
Bul másele tek Almaty men elimizde ǵana qatysty emes, basqa memleketterde de kezdesip otyr.
Kórshiles Qyrǵyzstanda 2019 jyly qoǵamdyq oryndarda túkirýge tyıym salatyn jańa Kodeks kúshine engen bolatyn. Osyǵan uqsas ádepsizdikke qarsy kúres sharalary Úndistan, Qytaı, Sıngapýrda da bar.
Depýtat azamattardyń jappaı túkirý ádeti Qazaqstannyń mádenı astanasynyń mártebesi men týrısik beınesine keri áserin tıgizedi dep sanaıdy. Ol qoǵamdyq oryndarda túkirgenderdi qatań jazalaýdy usyndy.
«Men depýtat áriptesterime jáne qalalyq ákimdikke usynysym bar: qoǵamdyq oryndarda ózin ustaýdyń qosymsha erejelerin dereý jasaý kerek, túkirýge ǵana tyıym salmaı, temeki tuqylyn, qoqys, shemishke, saǵyz qaldyqtaryn tastaýǵa da tyıym salyp, ony zańnamalyq deńgeıde bekitý qajet. Osy máselege beıjaı qaramaıtyn qala turǵyndaryn bul bastamany qoldaýǵa shaqyramyn, qalamyzdy sózben ǵana jaqsy kórmeı, ispen de dáleldeıik!» – dep tolyqtyrdy Sergeı Ponomarev.