Qylmystyq is Almaty qalasy Naýryzbaı aýdandyq sotynda qaralyp jatyr.
Almatyda ózderin tótenshe jaǵdaı mamandary retinde tanystyryp, kásipkerlerden aqsha bopsalaǵan alaıaqtarǵa qatysty sot otyrysy bastaldy, dep habarlaıdy Almaty-akshamy.kz QazAqparatqa silteme jasap.
«Sot otyrysy barysynda sottalýshylar men olardyń advokattary BAQ ókilderiniń sot prosesin jarıalaýyna qarsylyq bildirdi. Advokattar bul iske jábirlenýshilerdiń barlyǵy qatyspaıtynyn jáne sot otyrysynyń endi ǵana bastalǵanyn aıtty. Olardyń pikirinshe, bul isti jarıalaýǵa áli erte.
Aýdandyq sottyń sýdıasy jýrnalıserge advokattar men aıyptalýshylardy vıdeo men sýretke túsirýge tyıym saldy. Sondaı-aq sýdıa sot úkimi shyqqanǵa deıin isti buqaralyq aqparat quraldarynda jarıalamaý týraly shart qoıdy.
Buǵan deıin Almaty qalalyq prokýratýrasy «Nur-SultanProm bezopasnost JSHS qyzmetkerleri ózderin TJ organdarynyń mamandary retinde tanystyryp, bıznes sýbektilerine aıyppul salamyz dep qorqytqanyn aıtqan bolatyn.
Vedomstva málimetinshe, mundaı qylmystyq sqema júıeli boldy. Tek qazirgi ýaqytta Almatynyń Naýryzbaı jáne Áýezov aýdandarynda zardap shekken 30-dan astam kásipker anyqtaldy. Mundaı zańsyz is-áreketter bızneske qysymdy tómendetý boıynsha júrgizilip jatqan memlekettik sharalardyń bedelin túsiredi jáne olarǵa nuqsan keltiredi
Atalǵan faktiler boıynsha Naýryzbaı aýdanynyń prokýratýrasy qylmystyq isti qozǵaýǵa bastamashylyq etti, nátıjesinde alaıaqtyq jasady degen kúdikpen 1991 jáne 1995 jyly týǵan eki azamat ustaldy, olar sottyń sanksıasymen qamaýǵa alynǵan bolatyn.
Kúdiktilerdiń qylmysy dáleldense, olar 7 jylǵa deıin bas bostandyǵynan aıyrylýy múmkin.