Respýblıka aýmaǵyn panalaǵan barlyq sheteldikter Qazaqstannyń bosqyndarǵa qatysty halyqaralyq qoǵamdastyq aldyndaǵy mindettemelerine sáıkes memleket tarapynan qorǵaýmen jáne qoldaýmen qamtamasyz etilgen, dep habarlaıdy Almaty-akshamy.kz.
Eńbek jáne halyqty ileýmettik qorǵaý mınıstrliginiń málimetinshe, 1998 jylǵy 15 jeltoqsanda Qazaqstan BUU-nyń 1951 jylǵy «Bosqyndar mártebesi týraly» konvensıasyna (budan ári – Konvensıa) resmı túrde qosylyp, ózine belgili bir mindettemeler aldy.
Qazirgi ýaqytta respýblıkada Aýǵanstan, Ýkraına, Ózbekstan, Sırıa jáne QHR-dan kelgen 325 bosqyn turady. Olar elden shyǵarylmaý boıynsha qorǵalǵan.
Bosqyndarmen jumys jónindegi halyqaralyq mindettemelerdi oryndaý aıasynda QR Eńbek jáne halyqty áleýmettik qorǵaý mınıstrligi janynda ulttyq zańnama normalaryn Konvensıa erejelerimen ımplementasıalaý jónindegi jumys toby jumys isteıdi. Onyń quramyna memlekettik organdardyń, qoǵamdyq uıymdardyń ókilderi jáne halyqaralyq qoǵamdastyqtyń, onyń ishinde BUU-nyń bosqyndar jónindegi Joǵarǵy Komısary basqarmasynyń sarapshylary kiredi.
Jumys toby bosqyndarǵa Qazaqstan Respýblıkasynyń aýmaǵynda turaqty turatyn sheteldiktermen teń dárejede medısınalyq kómekke, bilim alýǵa jáne áleýmettik kómekke qoljetimdilik berý jóninde usynystar ázirledi. Bul usynystar múddeli memlekettik organdardyń qaraýynda.