Úkimettiń keńeıtilgen otyrysyna qatysqan qala ákimi E.Dosaev osylaı dedi.
Memleket basshysynyń tóraǵalyǵymen Úkimettiń keńeıtilgen otyrysy ótýde, dep habarlaıdy Almaty-akshamy.kz.
«Sizdiń bıyl qańtar aıynyń sońynda bergen basty tapsyrmańyzǵa sáıkes, búginde qańtar oqıǵalary kezinde búlingen ınfraqurylym tolyǵymen qalpyna keltirildi, qala ekonomıkasy turaqty ósý traektorıasyna shyqty, qoǵamdyq qaýipsizdiktiń deńgeıi birshama artty», - dedi E.Dosaev.
Zardap shekken 1 640 kásiporynǵa 16,2 mlrd. teńge somasyndaǵy zalal óteldi, onyń 95%-y osy jyldyń 1 maýsymyna deıin tólemderin aldy. Barlyq jeke tulǵalarǵa 613,5 mln. teńge somasynda múliktik zalal tólendi (159 ótinim, onyń ishinde 151 jeke tulǵanyń avtokólikteri, 6 páter, 2 múlik ıeleriniń birlestigi (OSI))
«Sizdiń tapsyrmańyzǵa sáıkes, Almaty turǵyndarynyń qaýipsizdigin qamtamasyz etý úshin, osy jyldyń sońyna deıin adamdar kóp jınalatyn oryndarǵa 3 050 beınekamera ornatylady. Jalpy, qala turǵyndarynyń qaýipsizdigin qamtamasyz etýge bıyl qosymsha 16,8 mlrd. teńge bólindi», - dedi Almaty ákimi E.Dosaev.
Qala ákimdiginiń ǵımaratyn qalpyna keltirý jumystary jalǵasýda, onyń aıaqtalý merzimi – 2023 jyldyń İİ toqsany. Qazaqstan telearnasynyń buzylǵan ǵımaratynyń ornynda zamanaýı medıa ortalyqtyń qurylysy bastaldy, ony 2023 jyldyń sońyna deıin aıaqtaý josparlanǵan.