Bul týraly Almaty qalasynyń ákimi E.Dosaev Memleket basshysynyń qatysýymen ótken Úkimettiń keńeıtilgen otyrysynda aıtty, dep habarlaıdy Almaty-akshamy.kz.
Qala ákimdiginiń jumysynda halyq tabysyn odan ári arttyrý - basty nazarda. Degenmen, baǵanyń joǵary ósý qarqynynyń saqtalýy negizgi másele bolyp otyr. 11 aıda ınflásıa 18,9%-ti qurady (jyldyq ınflásıa - 19,5%). Jyl basynan bastap qant (89%), keńse taýarlary (82,6%), turǵyn úıdi jalǵa alý (75,7%) baǵalary qatty ósti.
Qazir turǵyn úıdi jaldaý quny men qant baǵasy turaqtandy. Kelesi jyly qantty ortalyqtan satyp alýǵa jergilikti búdjetten 2,6 mlrd. teńge baǵyttaldy.
"16 qarashadan bastap jyl sońyna deıin "Magným" jáne Small saýda jelilerinde satylatyn barlyq azyq-túlik jáne azyq-túlik emes taýarlardyń baǵasyn kóterýge moratorıı engizildi (olardyń uıymdasqan saýdadaǵy úlesi – 70%). Turaqsyz syrtqy faktorlar men azyq-túlik baǵasynyń ósýine baılanysty álemde joǵary ınflásıa kútilýde. Bizdiń baǵalaýymyz boıynsha, kelesi jyly Almatyda ınflásıa 10-12% shamasynda bolady" - dedi shahar basshysy